आरसिटी र ब्यईज युनियन बि डिभिजनमा घटुवा

कूल तामाङ माघ १९ काठमाण्डौ । रानीपोखरी कर्नर टिम आरसिटी  र ब्यईज युनियन बि डिभिजनमा घटुवा भएका छन । राजधानीमा जारी सहिद स्मारक ए डिभिजन लिग फुटबल अन्तर्गत आज भएका खेलमा हार ब्यहोर्दै दुबै टोली  बि डिभिजनमा घटुवा भएका हुन । जावलाखेल भने रेलिगेशनबाट बच्न सफल भएको छ ।आज भएको पहिलो खेलमा आरसिटी जावालाखेलसंग १–० ले पराजित भएको हो । जा

वालाखेलका लागी खेलको ८५ औँ मिनेटमा राम थापाले गोल गर्दै जित सुनिश्चित गरेका हुन । यसैबिच आजै भएको दास्रो खेलमा ब्यईज युनियनलाई ९–० गोल अन्तरले पराजित गर्दै नेपाल पुलिस बिजयी भएको छ । पुलिसका लागी भोला सिलवालले ह्याट्रिक पुरा गर्दा भरत शाह २ दिपेन्द्र श्रेष्ठ २ अजित भण्डारी र गणेश खड्काले एक एक गोल गरे । जितसंगै १९ अंकका साथ पुलिस लिगको तेस्रो स्थानमा उक्लिएको छ । मनाङ मस्र्याङदी २३ अंकका साथ लिगको पहिलो स्थानमा छ भने २० अंकका साथ थ्रीस्टार दोस्रो स्थानमा छ । प्रतियोगिता अन्तर्गत भोली हुने पहिलो खेलमा हिमालयन शेर्पा र संकटा तथा दोस्रो खेलमा सरस्वती र सशस्त्र प्रहरीको एपिएफ भिड्ने छन ।