बाघको आक्रमणमा एक जनाको मृत्यु

सुवास लामिछाने माघ २१ चितवन। बाघको आक्रमणबाट चितवनको गुञ्जानगरमा एकजनाको मृत्यु भएको छ । मृत्यु हुनेमा गुञ्जानगर गाउ विकास समिति वडा नम्मर ७ वस्ने ४३ वर्षीय एकबहादुर तामाङ रहेको जिल्ला प्रहरी कार्यालय चितवनले जनाएको छ । हिजो दिउँसो नारायणी नदि किनारमा खर काट्न गएका तामाङलाई बाघले आक्रमण गरेको प्रहरीले जनाएको छ । मृतक तामाङको शवलाई पोष्टमार्टमका लागि भरतपुर अस्पतालमा राखिएको छ । केहि महिना पहिले चितवनकै गितानगर गाविसमा बाघको आक्रमणबाट दुई जनाको ज्यान गएको थियो ।