फेसबुकबाट गर्भमै रहेको बच्चा बेच्ने युवती पक्राउ

एक चिलियन युवतीले आफ्नो शिशु फेसबुकमार्फत मात्र ६८ पाउण्डमा विक्री गरेको आरोपमा प्रहरीले पक्राउ गरेको छ। बच्चा बेचेको भन्दै प्रहरीले भेरोनिका करिरा छपारो  नाम गरेकी १८ वर्षीया युवतीलाई पक्राउ गरेको हो ।

समाचारअनुसार उनी २०१३ फेब्रुअरीमा दुई महिनाकी गर्भवती थिइन् । उनले आफ्नो १७ वर्षीय प्रेमीलाई गर्भ बसेको बताइन् र कसैलाई नभन्न आग्रह गरिन् । तर आफ्नी आमा र दिदीबाट आफू आमा बन्न लागेको लुकाउन सकिनन् । ४२ वर्षकी आमा एन्जेला र २४ वर्षीया दिदी डेनिसाले शिशु बेच्न, गर्भपतन वा धर्मसन्तानका रुपमा अरुलाई दिन भने । 

परिवारको दबावमा उनले गर्भमा रहेको शिशु बेच्ने सूचना फेसबुकमा राखेपछि एक जोडीले किन्ने प्रस्ताव राखेको बताइन्छ । नोभेम्बर ४ मा शिशु जन्मियो र निकै कम मूल्यमा त्यसलाई बेचियो पनि । घटनामा संलग्न रहेको आरोपमा युवतीकी आमा र दिदीलाई पनि प्रहरीले पक्राउ गरेको छ। एजेन्सी